"Ұлыбритания аруы-2019" коронавируспен күресу үшін өз қызметіне қайтап оралуға әзір

Сыннан сүрінбей өтіп, жеңіске жеткен ол, Лондондағы жұмысын тастап, дәрігерлік қызметіне қайта оралуға бел буады. Ондағы мақсаты сын сағатта отандастарының өмірін індеттен сақтап қалу, деп хабарлайды NewsRoom+ақпарат агенттігінің тілшісі 24tv.ua-ға сілтеме жасап.

24 жастағы модель және дәрігер қиын-қыстау кезде әріптестерімен бірге болып, аурудан құтқару үшін туған еліне оралды. Байқауға қатысқанға дейін Бхаша Мукерджи Бостондағы ауруханада кіші дәрігер қызметін атқарған. Алайда кейін байқауда жеңіске жеткен ол, дүниежүзіне гуманитарлық көмек көрсету үшін саяхатқа аттанады. Жуырда ғана Үндістандағы Coventry Mercia Lions Club қайырымдылық қорына елші етіп тағайындалады. Өз еліндегі індеттің тез таралуын естіген соң, дәрігерлер қатарына қосылуды шешеді.

- Гуманитарлық көмек көрсету кезінде басына тәж киіп, әдемі көріну үшін дайындаласың. Ал мен өз отаныма, үйіме қайтқым келді. Қайта сала, өз қызметіме кіріскім келді. Мен сол үшін жоғары білім алдым. Қазір адамдарға араша болатын кез. Дүниежүзі халқы медициналық қызметкерлерге алғыстарын жаудырып жатыр. Мен де сол қызметтің бір бөлшегі болғым келеді. Және көмек беру қолымнан келетінін білемін, - дейді Бхаша Мукерджи.