Рио-де-Жанейрода ең жарқын карнавал басталды

Карнавалдың ашылу салтанаты жұма күні Бразилияның Рио-де-Жанейро қаласында өтті.

Дәстүр бойынша, осы салтанатта қала мэрі карнавал королі (Момо королі) корончайды және оған мереке аяқталғанға дейін билік ететін қаланың кілттерін тапсырады.

Самбадромдағы "Сан-Марки с ди Сапукаи" карнавалдық шерулері жергілікті уақыт бойынша 21.00-де басталады. Әр кеш жұма сайын келесі сейсенбіге дейін самбадромда самба мектебі өнер көрсетеді, әр көріністің ұзындығы – 1 сағат.

Ең танымал мектептердің шеруі жексенбі және дүйсенбі күндері өтеді.

Осы жылдың карнавалына қатысушылардың арасында үздік атағы үшін самбаның "Вирадоуру", "Портела", "Вила Изабел", "Унидус да Тижука", "Бейжа Флор", сондай-ақ өткен жылғы карнавал жеңімпазы "Мангейра"самбасының мектебі қатысады.

Самба мектептерінің қойылымдарына 3,5 мыңнан 5 мыңға дейін адамдар - музыканттар, би топтары, "каррус" операторлары - жылжымалы платформалар қатысады, онда театрландырылған көріністер болады.

Әр мектептің шеруі кезінде қазылар алқасы барлық көріністі, сондай-ақ бишілер, музыканттар жұмысының үйлесімділігін және қойылым тақырыбының бірегейлігін бағалауы тиіс. Чемпиондар шеруі -үздік деп танылған алты мектептің шеруі 29 ақпанда өтеді.

Қала әкімшілігінің мәліметтеріне сәйкес, карнавалдың алдындағы салтанаттарға және оны өткізу

кезінде туристердің де, қала тұрғындарының да 7 млн-ға жуық адамы қатысады.

Бұған дейін бразилиялық баспасөз жергілікті сауда федерациясына сілтеме жасай отырып, карнавалдық мейрамдар Рио-де-Жанейро экономикасына 1 млрд реал (шамамен 232 млн. доллар) әкелгенін хабарлады.

Оның мәліметінше, әрбір турист пен қала тұрғыны карнавал кезінде тәулігіне шамамен 50 доллар жұмсайды, бұл ретте кірістің жартысына жуығы - 44,6% - қоғамдық тамақтану орындарына тиесілі.

Рио-де-Жанейро тұрғындарының көпшілігі - 82,9% - қалада қалуды жоспарлап отырғандығын хабарлады.