Созылмалы шаршаңқылық деген не және одан құтылу жолдары

Бұл көп жұмыс істеп, аз демалып, күнделікті бірқалыпты тірліктен немесе үнемі күйзелісте жүргеннен пайда болады екен.

- Синдромның басты себебі – созылмалы стресс, соның салдарынан азға азып, зорығады, - деп атап өтті дәрігерлер.

Дұрыс тамақтанбай, аз қимылдайтындар және күйзеліске берілгіштер созылмалы шаршаңқылыққа шалынғыш келеді.

Оның белгілері: үрейленгіштік, жұмысқа қабілеттіліктің төмендеуі, ұйқы қашу, асқа тәбет тартпау, бас ауруы.

Бұндай күйден арылу үшін дәрумендер, антидепрессант қабылдау керек. Бірақ дәрі-дәрмекті мамандар жазып бергені жөн.

Одан өзге, физикалық белсенділік пен тұтас дәнді өнімдер, бұршақ тұқымдастар, көкөніс пен тәтті емес жемістер де жағдайды түзетуге септігін тигізеді.

Сарапшылар жағдайды қалыпқа келтіру үшін кофеден бас тартуға да кеңес береді. Оның орнына көк шай ішкен жөн.