Әлем Ресей сенбі күні Халықаралық әскери ойындарды бастайды
"АрМИ-2019" бесінші әскери халықаралық ойындарының ашылу салтанаты 3 тамызда Мәскеу маңындағы "Алабино" полигонында өтеді
Ресей әскери ведомствосының мәліметтері бойынша, "АрМИ-2019"-ға 37 елден 221 команда қатысады. Ойын бағдарламасында 3-17 тамыз аралығында 10 мемлекеттің аумағында өтетін далалық, әуе және теңіздегі жаттықтыру бойынша оннан астам конкурстар бар. Биыл қатысушы әскери қызметшілердің жалпы саны 5 мыңнан асады.
РФ Қорғаныс министрі Сергей Шойгу бұған дейін НАТО-ның төрт елі "АрМИ-2019"-ға өз бақылаушыларын жібергенін хабарлады.
- Грекияның командасы жарыстарға толық қатысады, ал НАТО-ның төрт елі - Франция, АҚШ, Словакия және Түркия - өз бақылаушыларын жіберді, - деді Шойгу өткен бейсенбі күні Қорғаныс министрлігінде өткен селекторлық кеңесте.
Ол жылдан жылға конкурстарды өткізу географиясы кеңейіп келе жатқанын атап өтті: биылғы жылы ойындар өтетін мемлекеттерге Моңғолия, Өзбекстан және Үндістан қосылды.
Сондай-ақ, жарысқа үш мыңнан астам жас сарбаз қатысады.
- Өз командаларын Ресей ТЖМ, ІІМ, Сыртқы барлау қызметі және Федералдық қауіпсіздік қызметі жіберді. Ресей гвардиясы мен ДОСААФ-ға қатысушылардың саны екі есе өсті, - деп хабарлады Қорғаныс министрі.