Әлем Еуропалық Galileo навигациялық жүйесінің жұмысы толығымен қалпына келтірілді
Сервистің қызметкері хабарлағандай, Galileo еуропалық навигациялық спутниктік жүйесі өткен аптада іркілістен кейін штаттық жұмыс режиміне қайта оралды
Коммерциялық пайдаланушылар Galileo қызметтерін қалпына келтіргеннен кейінгі белгілерді көре алады.
Бүгінгі күні Galileo жұмысында жаңылыс туғызған ақаулықтардың себептері тексерілуде.
Ақау жер бетіндегі бақылау орталықтарындағы жабдықтардың кесірінен болған. Бөлім спутниктердің орбитасын есептеумен және уақыт есебін жүргізумен айналысқан.
Өткен аптадан бастап бірнеше күн бойы Galileo желісі жұмыс істемеді.
Бюджеті он миллиард еуродан асатын Galileo желісі үш ондаған спутниктің жүйесі арқасында жоғары дәлдікті геолокализациялау қызметтерін ұсынуға арналған. Олардың толық орналасуын 2020 жылға қарай американдық GPS, Ресей - ГЛОНАСС және Қытай - Beidou жүйесіне бәсекелестік жасау мақсатында жүзеге асыру жоспарланды.
Galileo 2016 жылдың желтоқсанында жұмыс істей бастады, бірақ әлі күнге дейін бұл "пилоттық фазада" болды. "Толық операциялық фазаға" кіріскенге дейін "базалық қызметтерді" ұсынды.
