Парижде құны 600 мың еуро тұратын шарап ұрланды

Аталмыш мейрамхана Париж қаласының ортасында орналасқан әрі екі мишлен жұлдызына ие таңдаулы мейрамханаға жатады, деп хабарлайды МИР24.

Мейрамхана қоймасында тұрған шарапты тонау үшін қаскүнемдер жер астын қазып, жол жасаған екен. Ал бұл уақытта мейрамхананың өзінде жөндеу жұмыстары жүргізіліп жатқан.

Ұрланған шараптардың арасында Рetrus пен Romanee-Conti сынды қымбат шараптың түрлері болған көрінеді.

Парижде қымбат шараптардың ұрлануы бұған дейін де бірнеше рет болған. Мәселен, алдыңғы жылы 700 мың еуроның шараптары тоналып кеткен оқиға орын алған болатын.