Венесуэлада бір күн демалыс

Балалар сабаққа, ал қызметкерлер жұмысқа бармайды. Бұл жайында елдің байланыс және ақпарат министрі Хорхе Родригес хабарлады.

- Венесуэла үкіметінің қаулысына байланысты 11 наурыз демалыс күні деп жарияланды, - дейді министр.

7 наурыз күні "Эль-Гури" су электр стансасында апат болып, елде энергетикалық дағдарыс басталған еді. Ал Ұлттық электр энергия корпорациясы апаттың қолдан жасалғанын әрі Венесуэлаға энергетикалық соққы берудің амалы екендігін айтады.

Венесуэла басшысы Николас Мадуро электр жүйесін қалпына келтіру үшін бар күшін салатындығын хабарлады.