Солтүстік Америкада ағаштар қурап жатыр

Мұндай эпидемия Канаданың оңтүстігі мен АҚШ-тың солтүстігінде таралуда. Ал аурудың алғашқы белгілері осыдан 6 жыл бұрын Огайо штатында пайда бола бастаған.

Ағаштардың жапырақтарында қара дақтар пайда болып, кейін жан-жағына жайылып, ең соңында жапырақ қап-қара болып кетеді.

Басында экологтар ауданда экологиялық жағдайдың нашарлауына байланысты ағаштарға ауру тиген деп жорамалдаған, алайда басқа аудандағы ағаштар да осы дертке шалдыққаннан бері бұған басқа нәрсе себеп болғаны айтыла бастады.

Оның үстіне, бұл Еуропа мен Азиядағы шамшат тұқымдас ағаштарға жұғуы мүмкін.

Биологтар әзірше бұл ауруды бактерия мен басқа микроағзалар қоздыруы мүмкін деген жорамал жасап отыр.