Әлем Siri апатқа ұшыраған американдықтың өмірін құтқарды
"Siri" дыбыстық көмекшісі құтқарушыларды уақытында көмекке шақырып, ауыр жарақат алған адамға көмектесті
Невада штатының тұрғыны Нэйт Феликс көлігімен шұңқырға түсіп кеткен. Алған жарақаты салдарынан қозғалуға мүмкіндігі болмаған.
Оған түймені баспай-ақ қоңырау шалатын дыбыстық көмекшінің пайдасы тиген. Сиридің көмегімен, жәбірленуші 911 нөмірін теріп, апат туралы хабарлады. Құтқарушылар оқиға орнына келіп, адамды ауруханаға жеткізді. Оған жұлын және жүйкенің зақымдануы диагнозы қойылды.