Римде субұрқаққа шомылғандарға айыппұл салынады
Римдегі жаңа заң күшіне енгелі түнгі уақытты ішімдік ішіп, субұрқаққа суға түсуге және центурион болып киінуге тыйым салынды
Римде ұзақ жылдар бойы "гладиаторлардың" киімдерін киюге уақытша тыйым шаралары қолданылып келген, деп хабарлайды Новости РАА сайты.
Жаңа заңға сәйкес, енді гладиатор немесе центурион болып киінгісі келгендерге 400 еуро көлемінде айыппұл салынады.
- 72 жылдан кейін Римде жаңа ережелер енгізілді, - деді Рим мэрі Вирджиния Раджи.
Сонымен қатар, сағат 22.00-ден кейін ішімдік ішуге тыйым салынады да, тәртіп бұзғандарға 150 еуро көлемінде айыппұл салынады. Ал ішімдік сатқандарға 280 еуро айыппұл қарастырылған.
Тағы да қаладағы субұрқақтарға шомылғандарға да айыппұл көзделген. Заң бұзғандар 900 еуро төлеуге міндеттеледі.