Жапонияда жоғалған Дисней мультфильмі табылды

Уолт Диснейдің Микки Маус прототипі болып табылатын Освальд дейтін қоянның шытырман оқиғалары туралы жұмысы көптеген жылдар бойы коллекционер Ясуши Ватанабэде сақталып келген, деп хабарлайды Новости РАА сайты.

Дегенмен, коллекционер мектепте оқып жүргенде қолына түскен екі минуттық таспаның құндылығын Дэйв Боссерттің "Сәтті қоян Освальд: Диснейдің жоғалған мультфильмдерін іздеу" ("Oswald the Lucky Rabbit: The Search for the Lost Disney Cartoons") кітабын оқығаннан кейін түсінді.

Кітап авторымен сөйлескеннен кейін Освальд қояны туралы мультфилмі жоғалған жеті Дисней мультфильмінің бірі екені анықталды.

- Көптеген жылдар бойы Диснейдің жанкүйері болғандықтан, өзімнің адал жанкүйері болғаныма қуаныштымын, - деп мойындады Ясуши Ватанабэ.