Әлем Жапония ұшақ экипаждарының ережелерін күшейтпек
Хитроу әуежайында жапондық ұшақтың ұшқыштарының біреуі мас күйінде қамауға алынуы оған себеп
- Біз ұшу қауіпсіздігін қамтамасыз ету үшін барлық мүмкіндікті пайдаланамыз, - деп мәлімдеді елдің көлік министрі Кити Ичии.
Оның сөзінше, Жапония үкіметі осы саладағы басқа елдердің стандарттарын зерделейді.
Британ полициясы британдық авиация өнеркәсібіне арналған алкоголь шегінің 10 есе асып кетуіне байланысты авиакомпанияның 42 жастағы екінші ұшқышын ұстаған. Соның салдарынан Japan Airlines рейсі Лондоннан Токиоға үш ұшқыш орнына екі ұшқышпен ұшты.
Заңды бұзған ұшқышқа қатысты үкім 29 қараша күні шығады.
Бұл Жапонияның авиация өнеркәсібінде орын алған алғашқы оқиға емес. All Nippon Airways Co авиакомпаниясы сәрсенбі күні ұшқыштардың түнгі ішімдік ішуінен кейін денсаулықтарының нашарлауы салдарынан Окинавадағы 5 рейстің кешіккені үшін өз жолаушыларынан кешірім сұраған болатын. Ал мамыр айында Japan Airlines авиакомпаниясының стюардессасы бортқа жеткізілген сыра ұрлап, оны ұшу кезінде әжетханада ішкендігі туралы да баспа беттерінде хабарланады.