Әлем Ресейде ІІМ-нің құпия құжаттары жуынды төгетін орыннан табылған
Свердлов облысындағы Асбес қаласының тұрғыны қоқыстан жергілікті полиция бөлімінің мұрағаттық құжаттарын тауып алған
Тауып алған заттары туралы әлеуметтік желіге жариялаған, деп хабарлайды Новости РАА сайты.
- Қоқыс төгіп жатып, контейнер жанында жатқан папкаларға көзім түсті. Назар аудармас едім. Бірақ кей папкалардың жоғары жағындағы "құпия" деген сөз қызықтырды. Қызығушылығым оянып, алып қарай бастадым – шынымен де құпия құжаттар екен, - деп жазды тұрғын.
Құжаттар арасында қызметкерлер туралы жеке мәліметтер, шұғыл тапсырмалар туралы мәліметтер, бұйрықтар мен қылмыстық істер туралы ақпараттар болған. Ал құжаттарды тауып алған азамат жергілікті полиция қызметінің басшысымен байланыспақ болса да, еш нәтижесіз.
Ал Свердлов облысы бойынша ІІМ бас басқармасы бұл туралы білетіндіктерін және қазіргі уақытта тексеру жұмыстары жүріп жатқандығын мәлімдеді.
