Әйелінен "құтылу" үшін өтірік өліп қалған

Гондураста туылып, алайда АҚШ-та тұрып жатқан ер адам әйелін алдап-соқпақ болып, өтірік өліп қалған. Ол мұрнына мақта тығып, ақ тыспен оранып, мәйітханада жатқандай суретке түсіріп, әйеліне жіберген, деп жазады Daily Mail.

Гонсалестің қазасы туралы хабар достары мен туыстарына тез жеткен. Бірақ олар БАҚ таратқан ақпараттың жалған екеніне көздері жеткен. Өйткені суретте Гонсалестің екі кісілік төсекте, тыспен оранып, күліп жатқанын байқаған. Ал азамат бұл әрекетке әйелін сендіру үшін барғанын мойындаған.

- Әр сенбі сайын әйелім телефон шалып, қанша ақша жіберуім керектігін айтатын. Ал қалған күндері одан ешқандай хабар жоқ. Ол ешқашан өз суретін де жібермейді, басқа ештеңе де сұрамайды. Ұялы телефон жіберуімді талап етеді. Осымен алтыншысын жіберсем де, үнемі телефонын ұрлап кеткенін айтады, - деді азамат.

Ал Гонсалестің туыстары бұл хабардың соққы болып тигенін айтқан. Өйткені Гондурастың тұрғындары көбінесе құрама штаттарға кеткен туыстарына арқа сүйейді. 2018 жылдың қаңтар-мамыр аралығында АҚШ-та тұратын гондурастықтар елген $1,5 миллион аударған.