Әлем Әлемдегі ең танымал спорт түрі анықталды
Nielsen талдамалық компаниясының зерттеу нәтижелері бойынша, ең танымал спорт - футбол
Әлем халқының 43 пайызы футбол ойынына қызығушылық танытып отыр, деп хабарлайды life.ru.
Әлем кубогының алдында сарапшылар әлемнің 18 елінде сауалнама жүргізді. Нәтижесінде әрбір он адамның төртеуі футболға қызығушылық танытқан. Бұл футбол әлемдегі ең танымал спорт түріне айналды деп айтуға мүмкіндік береді. Сонымен қатар, екінші танымал спорт түрі баскетбол болып шықты.
Халықтың басым көпшілігі футболды ұнататын әлемдегі алғашқы бес елдің қатарына БАӘ, Тайланд, Чили, Португалия және Түркия кіреді.
