Сот Дэвид Копперфильдті бас сиқырының құпиясын ашуға мәжбүрледі

Сотқа британиялық Г. Кокс есімді азамат шағымданған. Өйткені ол Дэвида Копперфильдің шоуы барысында жарақат алған.

Ол адамды жоғалту сиқырына қатысып, сиқыршының тобындағы адамдар оны қараңғы дәлізбен жетелеген уақытта құлап, жараланып қалған.

Сот отырысы барысында сиқыршының тобы түсіндіргендей, сиқырды орындау барысында залдан кездейсоқ таңдалып алынған адам шамның көмегімен құпия жол арқылы далаға шығарылып, қажет уақытта қайта оралады. Сонымен қатар, бұған дейін сан мәрте орындалған сиқырдың ешкімге зияны тимеген және сиқыршы өзі арнасы бұл жолды тексеріп отырған.

Енді  Дэвид Копперфильд бұл трюкті өз қойлымдарында көрсетпейтін болды.