Әлем Ғалымдар: электронды темекі адамның никотинге деген тәуелдігін арттырады
Ғалымдар электронды темекі түрін тартып үйренген 168 мың жас жеткіншекке зерттеу жасап, олардың басым бөлігінің кейін темекі тартып кеткендігін анықтаған
Ал қазіргі уақытта электронды темекінің саудасы жүріп тұр. Жылына $11,4 млрд сомаға электронды темекі сатылады. Алайда Нью-Гэмпшир қаласындағы Дартмут колледжінің ғалымдары электронды темекінің әсері жайлы зерттеу жұмысын жасап жариялады. Ғалымдар темекінің зиян екендігін анықтады, деп хабарлайды Bloomberg.
Колледж доценті Самир Сонеджи аталған темекі түрін қолданғандардың никотинге деген тәуелдігі үш есеге дейін артқанын айтады.
- Бұған электронды темекінің шығарушылардың жарнамасы, маркетинг тәсілдері әсер етіп отыр. Олардың электронды темекіні тарту арқылы никотин темекіні тастауға болады деген жалған жарнамасы көзбояушылық, - дейді дәрігер.
Ал АҚШ-та вейпингке деген сұраныс 2011 жылдан бері он есеге бір-ақ өскен.
