Петропавлдық оқушылар сөздерді латын қарпіне аударатын қосымша жасап шығарды

Қазір бұл қосымша Android жүйесі бар мобильді құрылғылар үшін қолжетімді

Оқушыларға бұндай бірегей қосымшаны жасап шығару үшін бар-жоғы үш апта уақыт кеткен, деп хабарлайды Хабар-24 телеарнасының сайты. Ұстаздарының да көмегіне жүгінген кездер болған. Қосымша авторларының айтуынша, бұл бағдарламаны пайдаланушылар табылады.

- Бұл қосымша латын қарпіне көшу үрдісіне септігін тигізіп, латын қарпіне көшу оңай тимейтін азаматтарға көмектесу үшін жасалған. Қолданушы жай ғана сөзді енгізеді, ол сөздің латын қарпіндегі жазбасы шығарылады. Осылайша сөздердің латынша жазылу үлгісін өзіңізге сақтап алуға болады. Қосымша өте ыңғайлы көрінеді, - дейді қосымша авторларының бірі.

Қосымша Android операциялық жүйесіне бейімделген. Себебі, қазақстандықтар қолданатын смартфондардың 70%-ы осы жүйемен жұмыс істейді екен. Жас өнерпаздар бұл қосымшаны жақын уақытта Play Маркет-те де қолжетімді етуді жоспарлауда.

Тақырыптар: Приложение для перевода слов на латиницу Школьницы из Петропавловска Переход казахского языка на латиницу Мобильные приложения в Казахстане