АҚШ-та микрочип қосылған таблеткалар сатыла бастайды

Жапондық Otsuka компаниясымен өндірілетін, психозды емдеуге қолданылатын Abilify дәрісіне чип орнатылып үлгерген. Таблетканы жұту барысында чип науқастың мобильді құрылғысына ақпараттар беріп, оларды автоматты түрде емдеуші дәрігерге жіберіп отырады. Осылайша науқастардың дәрілерді қабылдау режимі бақылауда болады. Дәрігерлердің талабын орындамау медицина саласындағы маңызды мәселелердің бірі болып табылады. Әсіресе созылмалы ауруларды емдеу барысында бұл үлкен маңызға ие сұрақ. Бір жағынан бұл фармакомпаниялардың табысын азайтса, бір жағанынан науқастардың жағдайы ушығып кетсе, дәрі дәрмектерге деген шығынын өсіреді. Солтүстікамерикалық Otsuka бөлімшесінің басшысы Кабин Натх мәлімдегендей, инновациялық құрал шектеулі түрде шығарылатын болады. Сонымен қатар ол дәрінің қарапайым препараттардан қаншалықты қымбат болатынын айтудан тартынды.