Әлем Сарапшылар iPhone X-тың нақты құнын есептеді
ҚХР iChunt басылымының сарапшылары жаңа Apple iPhone X-тың нақты құнын есептеді. Жаңа смартфонның тұсаукесері АҚШ-та 12 қыркүйекте өткен болатын
Мамандардың есептеуінші, құрылғының ең қымбат құрамдас бөлігі оның OLED-дисплейі. Ол оңтүстіккореялық Samsung-те өндірілген. Белгілі болғандай, ол гаджет өндірушісіне 80 долларға түскен. Жад модулі Toshiba корпорациясынан 45 долларға сатып алынған. Apple A11 Bionic чипі Тайваньда өндіріледі, 26 долларға бағаланды. 3D-сенсорлы-тұлға сәйкестендіргіші бар смартфонды жинақтауға шамамен 25 доллар жұмсалды. iPhone X-тың барлық құрамдас бөліктерінің құнын есептей келе сарапшылар смартфонды нәтижесінде 412 долларға бағалады.
