Хауызда қалып қалған әйел Facebook желісінен көмек сұрап, шыққан

Әйел адам Facebook әлеуметтік желісі арқылы көмек сұраған, ол постты көрген көршілері дереу көмекке келген, деп хабарлайды Assоciated Press

Бұл жағдай 11 тамыз күні орын алған. 61 жасар Лесли Кан өз үйінің алдындағы хауызға шомылмақ болған. Хауыздан шығуға қамданғанда саты сынып кеткен. Осылайша Лесли өз бетімен сыртқа шыға алмай қалған. Сол уақытта үйде ешкім болмаған. Ал ұялы телефоны бөлмеде қалып қойған. Тапқыр американдық сынған сатының таяғымен планшет жатқан орындықты жалжытып алған. Осылайша жергілікті тұрғындар қоғамына хабарлама жазып жіберген. Ол өз постын "911" деп атаған. Көп уақыт өтпей көршілері мен полиция қызметі келіп, көмектескен.

Тақырыптар: Спасение человека Социальная сеть "Facebook"