Түркияда 80 қой жардан секіріп кетті

Түркияның Мурадие қаласында тұратын шопанның қойлары үркіп, жардан құлап өлген. CNN Türk телеарнасының хабарлауында, бір қой жардан секіріп өтпек болған, кейін оның артынан қалғандары да секіріп кеткен.

Қой иесі Эркан Озердің айтуынша, ол малдарын құтқаруға ұмтылғанмен бәрі кеш болған.

- Мен қойларды үстіртке қарай айдаған болатынмын. Отардың алдында келе жатқан қой жарқабақтан секірген еді, қалғандары да оның артынан топырлап секіріп кетті. Мен келгенше 79 қой секіріп кетіпті, - дейді шопан.

Тұрғындардың айтуынша, шопан жергілікті биліктен көмек күтіп жүргенге ұқсайды.