Қолы мен жүрегін сұраған сәттегі сәтсіздік ғаламтор хитына айналды

Қыздың қолы мен жүрегін сұраған ұсыныс аласапыранға айналып ғаламтор хитына айналып кетті. Бейнеролик Facebook-тегі американдық Atlanta Hawks клубының парақшасында жарияланды. Баскетбол жарысының ортасындағы үзілісте ғашықтарға камера бұрылса сүйісу дәстүрі бар. Осындай сәттердің бірінде камерадағы еркек бұдан зорғысын істеймін деп бір аяққа тұрып ұсыныс жасамақ болады. Қолында неке жүзігін ұстап тұрғанда, көршісі қуанғаннан жігіттің арқасынан шапалақтай жөнеледі. Жігіт шайқалып барып, қолындағы жүзігін түсіріп алады.