Әлем Гаванадағы Rolling Stones концертіне 1,3 млн көрермен келген
Британияның аңызға айналған Rolling Stones рок тобының Гаванадағы концертіне 1,3 млн адам келді, - деп топ мүшелері Твиттер парақшаларында хабарлады
Фото:
politeka.net
Тарихи концерт жұма күні Гавана қаласындағы Ciudad Deportiva стадионында болды. Музыканттар Латын Америкасының бірнеше елдеріне жасаған сапарларынан кейін Гаванаға келіп тегін концерт берген.
- Біз ұзақ мансабымызда көптеген ерекше жерлерде болдық, ал осы Гаванада болған шоу біз үшін ең маңызды концерттердің бірі деп санаймыз. Біздің кубалық достарымыз да осылай ойлайды деп үміттенеміз, - деп рок тобы концерт алдында хабарлаған болатын.
Куба революциясындағы жеңістен кейін, батыс музыкасына Кубада шектеу қойылған. Осыдан кейін Rolling Stones Гаванада концерт берген алғашқы белгілі рок тобы болды.