Әлем Түркіменстанда ұн сатылымына шектеу қойылды
Бір жанұя бір айда тек 50 келі ұн ғана сатып ала алады
Оның үстіне, ұнды сатып алардың алдында қай ауданға тіркелгендігіңді айғақтайтын құжатты көрсету қажет.
2017 жылы Түркіменстанда небары 1 млн тонна ғана астық жиналған, деп хабарлайды Түркіменстан Хроникасы сайты. Ал алдыңғы жылы 1,6 млн тонна астық жиналған. Елде соның кесірінен ұн мен нан жетіспей жатыр. Сондықтан сатылымға шектеу қойылып отыр.
Тұрғын аудан әкімшілігінен анықтама ала отырып, өзінің отбасына бір айда тек 50 келілік бір мөшек ұнды ғана сатып ала алады. Ал кейбір ұйымдар, тіпті, ары кетті. Олар ұн сатардың алдында газ бен электр жарығына қарызының бар не жоғын тексеріп алатын болды.
