Венесуэла тағы бір криптовалюта шығармақ

Венесуэладағы шиеленіскен дағдарыс президент Мадуроға табыс табудың ерекше жолын іздеуге мәжбүрлеген, деп хабарлайды Росбалт сайты. Енді үкімет жаңа алтынмен қамтылған криптовалютаны шығармақ.

- Бізде алтын "Петроға" қатысты тосын сый бар. Оған да мұнай "Петросы" сынды сипаттама тән. Бірақ бұл келесі аптада қаралатын сұрақ, - деді Мадуро.

Бірнеше күн бұрын ғана Венесуэла "Петро" криптовалютасын шығарған болатын. Ол 25%-ға мұнаймен қамтылған. Бірнеше күннің ішінде мемлекет 735 миллион доллар табыс тапқан.