Әлем ЭКСПО-2017: Германия 2050 жылға қарай толықтай баламалы энергия түрлеріне көшеді
ЭКСПО-2017 Халықаралық көрмесінде Германия павильонында баламалы энергия көздерін өндіру туралы танымдық мәселелер айтылуда
Германия павильонында келушілерге экологиялық таза технологиялар, инновациялық әдістер мен алдыңғы қатарлы шешімдер туралы ақпарат танымдық-ойын үлгісінде жеткізіледі.
Қазақстан-2050 сайты ЭКСПО-2017 көрмесіне қатысушы Германия павильонының бас директоры Дитмар Шмитцтің баламалы энергия жайында айтқан ойын жариялады.
- Немістердің павильонында жаңартылған энергия көздері - жел, су, биомасса, геотермия мен күн қойылған. Германияда барлық жаңартылған энергия көздері пайдаланылады, басым бөлігі - 60%-ы жел мен күн энергиясы. Сонымен қатар, атом электрстанциялары да бар, олардың үлесі 30%. Алайда 2030 жылға қарай олар мүлдем жойылады. Ал, 2050 жылға қарай Германия түбегейлі жаңартылған энергия көздеріне көшеді, - деді Д. Шмитц.
Германия павильоны made in Germany жаңартылған энергия саясатына арналған. Бұл өз кезегінде аталмыш мемлекетке баламалы энергия көзі саласында әлем бойынша көш бастап тұруға мүмкіндік беріп отыр. Германия павильонының ұраны «Энергия – дұрыс жолда» (Energy on Track).