Әлем Рок-музыкант әрі композитор Кит Эмерсон дүние салды
Ұлыбританиялық рок-музыкант Кит Эмерсон 71 жасында қайтыс болды. Алдын ала мәлімет бойынша, ол өз-өзіне қол салған
Фото:
ivona.bigmir.net
Ким Эмерсон басына оқ атқандығын ол қайтыс болған Санта-Моника қалалық полициясы мәлімдеді, деп хабарлайды «kaz.tengrinews.kz»сайты.
Композитордың денесі жұма күні табылған. Ал Эмерсонның қайтыс болғаны туралы оның бұрынғы Emerson, Lake & Palmer рок-группасының мүшелері хабарлады.
Кейін музыканттың өліміне қатысты ұжымның экс мүшесі Карл Палмер мәлімдеме жасады. "Кит Эмерсонның өмірден өткенін білу өте қайғылы, менің жақын досым әрі музыкадағы бауырым еді. Оның жаны нәзік болатын, оның музыкаға деген махаббаты мен пернелі аспаптарда ойнауға деген құштарлығы алдағы жылдардың ешбірінде қайталанбас. (...) Жаның жәннатта болсын, Кит", - деді ол.
