Әлем Қазақстан Азия ойындарында 7-ші алтынды алды
Азия ойындарында Қазақстан қоржыны джиу-джитсу бойынша екі қола, бір алтынмен толықты
Қазақстандық спортшы Нұржан Батырбеков Ханчжоуда өтіп жатқан Азия ойындарының алтын медалін жеңіп алды, деп хабарлады Устинка LIVE ҚР Туризм және спорт министрлігі ақпаратына сүйеніп.
Ал 62 келі салмақ дәрежесінде сынға түскен Мансұр Хабибулла мен 69 келі салмақта ел намысын қорғаған Алдияр Серік қоладан алқа тақты.
69 келіге дейінгі салмақта өнер көрсеткен Нұржан Батырбеков финалда БАӘ келген қарсыласы Мұхаммед әл-Суваидиді 4:2 есебімен жеңді.
Бұл Азия ойындарында Қазақстан құрамасының жетінші алтын медалі.
Нұржанды осы жеңісімен құттықтаймын! Бүгін көптеген адамдарды таң қалдырды және ерекше қуантты. Жасына қарамастан, біздің спортшымыз керемет шеберлік пен жеңіске деген сенімділік көрсетті. Оған болашақта да жоғары нәтижелерге қол жеткізуін тілеймін, - деп атап өтті ҚР Спорт туризм министрі Ермек Маржықпаев.
