Әлем Қазақстан Түркияға қажет көмек көрсетуге дайын
Түркиядағы жер сілкінісіне байланысты ҚР Президенті Қасым-Жомарт Тоқаев Түркия басшысына көңіл айтты
Президент Қасым-Жомарт Тоқаев Түркияның оңтүстік-шығысында көптеген адам шығынына әкеп соқтырған жер сілкінісіне байланысты осы елдің басшысы Режеп Тайип Ердоғанға көңіл айту жеделхатын жолдады, деп хабарлайды Устинка LIVE.
Түркия Республикасында болған аса күшті жер сілкінісі салдарынан көптеген адамның қаза тапқаны туралы суыт хабарды зор күйзеліспен қабылдадым. Осындай қиын сәтте жақындарынан айырылған отбасыларға, сондай-ақ бүкіл түрік ағайындарымыздың ауыр қайғыларына ортақтасып, Қазақстан халқының және жеке өзімнің атымнан көңіл айтамын, – деп жазылған жеделхатта.
Сонымен қатар, мемлекет басшысы Қазақстанның Түркияға тиісті көмек көрсетуге дайын екенін жеткізді.
