Әлем Ыстанбұлда тағы жарылыс болды
Енді Ыстанбұлдың Фатих ауданында жарылыс болып, бірнеше көлік отқа оранды
Фото:
Mynet порталынан
Қаза болғандар мен зардап шеккендер туралы әлі мәлімет жоқ, деп хабарлайды Устинка LIVE сайты Қазақпаратқа сілтеме жасап.
Кейбір ақпарат бойынша, өрт алдымен бір көлікті шарпыды, кейін жалын тұрақта тұрған өзге машинаға ауысты. Оқиға Ыстанбұлдың негізгі көрікті орындары - Айя-София мешіті және Көк мешіт орналасқан жерден 5 шақырым жерде – Қожа Мұстафа көшесінде болды.
Өрт сөндірушілер жалынды ауыздықтады.
Осыдан үш күн бұрын Ыстанбұлдың Бейоглу ауданындағы Истикляль көшесінде де жарылыс болғанын еске саламыз. Ол жарылыста 6 адам қаза тауып, 53 адам жараланды. Ал жарылыс жасаған күдікті әйел ертеңінде қолға түскен.
