ПЦР тесттерге арналған жиынтықтарды орау видеосы таң қалдыруда

Желіде Үндістаннан келген балалар антисанитарлық жағдайда, еденде ПЦР тесттерді ораумен айналысып жатқаны бейнеленген бейнеролик тарады, деп хабарлайды Stopfake.kz сайты. Кейбір көрермендер бұған наразы болды, олар мұндай ПЦР тестілері басқа елдерде таралады деп болжады және олардың нәтижелеріне сену мүмкін емес деп пайымдауда.

Фактчекерлер бұл бейне шынымен Үндістанда, Мумбай қаласының маңында түсірілгенін анықтады. Балалары бар әйелдер жергілікті кәсіпкер Маниша Кесванидің тапсырысын тікелей еденде орындайды. Кадрлар кеңінен жарияланғаннан кейін бизнесменге қатысты қылмыстық іс қозғалды. Үнді БАҚ-тарының хабарлауынша, бұл оқиғадан кейін елде медициналық мекемелерді тексеру басталды. Жеке ауруханалар мен дәріханаларға қараңғы жерлерде жиналған Bio-Swab жиынтықтарын сатып алуға тыйым салынды.

Қазнет кеңістігінде елде Үндістанда жасалған ПЦР тесттердің болуына байланысты толқулар басталды. Алайда, ҚР ДСМ Медициналық және фармацевтикалық бақылау комитетінің ақпараты бойынша, Қазақстанда мұндай жиынтықтар жоқ.

- Бүгінгі таңда Қазақстанда Ресей, Корея, Германия, Қытай, Қазақстан сияқты елдерде өндірілген ПЦР тестілер тіркелген және қолдануға рұқсат етілген, - деп хабарлады мекеме.