Хакасияда су тасқыны болып, ТЖ енгізілді

20 мамыр күні Хакасияда еріген қар суы салдарынан өңірлерде өзен суы арнасынан асқан. Абаз, Аскиз, Бейск, Таштып аудандарын су басты. Жақын маңдардағы елді мекендерді де су басу қаупі бар, деп жазады Новости РАА сайты.

Абакан өзені қатты жауған жауын мен қар суының еруі салдарынан арнасынан асып кеткен. Бірнеше күннің ішінде жағдай бақылаудан шығып, Республикада төтенше жағдай жарияланды. 

- 20 мамыр 23.30-дан бастап барлық республикада ТЖ режімі енгізілді. Қаулыға  Валентин Коновалов бейсенбі күні қол қойған, - делінген жергілікті БАҚ таратқан ақпаратта.