Токио Олимпиадасына қатысушылар вакцина алуы міндетті емес

ХОК басшысы Томас Бах Олимпиадалық ауылда тұратын көптеген қатысушыларға COVID-19-ға қарсы вакцина егілетінін айтты

Токио Олимпиадасының көптеген қатысушыларына COVID-19 коронавирусына қарсы вакцина егілетін болады деп хабарлады ХОК басшысы Томас Бах.

- Мен Олимпиадалық ауылда тұратын көптеген қатысушылар вакцинацияланады деп айта аламын, - деді ол Швейцарияда өткен баспасөз конференциясында.

Бах бұл тұжырымды ХОК-тың белгілі бір елдерде вакцинациялау барысы туралы алған хабарламалары негізінде жасағанын түсіндірді.

- Біз үлкен прогресті көріп отырмыз, - деді ол.

Сонымен қатар, ХОК басшысы Олимпиада ойындарында спортшыларға вакцинация міндетті болмайтынын баса айтты.

- Олимпиала басталғанға дейін екі ай бар. Бұл кезеңде біз міндетті түрде вакцина жасай алмаймыз, - деп түсіндірді Бах.

Токио Олимпиадасы 2021 жылдың 23 шілдесінен 8 тамызға дейін өтеді.