Илон Маск тағы да әлемдегі ең бай адамдар тізімінің бастап тұр

Әлемдегі ең бай адамдар тізімінде бірінші тұрған SpaceX пен Tesla компаниясының басшысы Илон Масктың орнын біраз уақыт  Amazon компаниясының негізін қалаушы Джефф Безос басқан еді. Ал енді көп ұзамай Маск миллиардерлер тізімінде қайтадан бірінші орынға шықты, деп хабарлайды МИР-24 сайты.

Қазір кәсіпкердің байлығы 199,9 миллиард долларды құрайды. Бұған SpaceX құнды қағаздарын орналастырудың келесі кезеңі ықпал етті. Нәтижесінде компания инвесторлардан шамамен 850 миллион доллар жинап, ал оның жалпы құны 74 миллиард долларға дейін өсті. Бұл Масктың қолма-қол ақшасын шамамен 11 миллиард долларға көбейтті.