Археологтар Балтық теңізі түбінен 400 жыл бұрын батып кеткен кемені тапты

Белгілісі, кеме 1563-64 жылдары құрастырылған. Солтүстік жеті жылдық соғыс кезінде 1564 жылы "Марс" кемесі су түбіне батып кеткен. Бортында шамамен 800 адам болған, деп жазады  МИР24 сайты.

Теңіз үстіндегі ірі шайқастардың бірінде суға батып кеткен ұзындығы 48 метр кемеден сол жылдардағы күміс монеталар да табылыпты. Олардың жалпы құны 13 мың еуроға бағаланды.

- Тастай суық әрі қап-қара Балтық теңізі батып кеткен кемелерді жақсы сақтайды. Соның арқасында бүгінде бүкіл детальдарды анықтап қарауға мүмкіндік бар, - деп атап өтті зерттеуші Йохан Роннби.