Әлем Бельгияда күшті дауыл жүруде
Бельгияның Корольдік метеорологиялық институты жексенбі күні "Сиара" дауылының жақындауына байланысты бүкіл елде дабылдық дауылдың қызғылт сары деңгейін жариялады
Бұл "абсолюттік дабылдың" бірінші дәрежесі (аса қауіпті қызыл және күлгін), ол табиғи апаттан болатын зиян қаупін арттырады.
Метеорологтардың болжамдары бойынша, дауыл жергілікті уақыт бойынша сағат 10:00-ге дейін (сағат 12:00-ге дейін) басталып, дүйсенбі күні таңертең аяқталады.
Желдің жылдамдығы күннің екінші жартысында кей жерлерде сағатына 110 км, ал кешке және дүйсенбіге қараған түні - температура төмендеген кезде сағатына 130 км жетеді.
Апат кезінде ішкі істер министрлігі құтқарушыларды шақыру үшін арнайы телефон нөмірін жандандырды.
Қатты жел дүйсенбі күні күн бойы жалғасады, бірақ оның екпіні тым жоғары болмайды.
Қызғылт дәрежелі дабыл енгізілген жағдайда билік тұрғындарды құзыретті құрылымдардың кеңестерін орындауға дайын болуға шақырады. Жексенбі және дйсенбі күндері саябақтар мен орман аймақтарына бару үшін жабық болады.
Бельгиялық темір жол ұлттық қоғамы дауыл қаупі желдің екпінінен кейбір учаскелерде жылдамдықты төмендетуге тура келетін пойыздардың қозғалысына әсер етуі мүмкін деп ескертті. Сондай-ақ, теміржолшылар темір жолдарына ағаштар мен өзге де объектілердің құлауы сынды кедергілерге дайындалуда.
Сондай-ақ, билік жексенбі күні Брюссель әуежайы үшін дауылдың "шектеулі салдары" мүмкіндігі туралы ескертеді. Ауа райы жолаушыларды ұшақтарға отырғызу үрдісін баяулатады. Қауіпсіздік шаралары жүкті тиеу бойынша операциялар үшін қарастырылған. Сонымен қатар, жел бағытын ескере отырып, ұшақтардың ұшуы мен қонуы үшін маңызды проблемалар күтілмейді.
Дауыл салдарынан жексенбілік футбол матчтары ауыстырылды. БАҚ қауіп-қатерге ұшырамастан, апатты қалай бастан кешіру туралы кеңестер жариялайды.
