Әлем Қытайда коронавирустың белгісіз түрі таралуда
Қазіргі уақытта жаңа коронавирус тудырған пневмонияның 17 жаңа жағдайы белгілі, екі адам қаза тапты
Бұл туралы қытайлық Ухань қаласының медициналық басқармасы хабарлады. Осылайша, қалада сырқаттанғандар саны ресми түрде 62 адамға дейін өсті.
Қазіргі уақытта екі өлім жағдайы тіркелді.
Сонымен қатар "Би-би-си" телерадиокорпорациясы ғалымдарға сілтеме жасап хабарлағандай, Қытайда пайда болған жаңа коронавирусты жұқтырғандардың жалпы саны ресми деректерден асып түседі.
Британдық сарапшылар шын мәнінде сырқаттанғандардың саны 1,7 мың адамға жеткеніне сенімді. Телерадиокорпорация Лондонның империялық колледжі жанындағы жұқпалы ауруларды Ғаламдық талдау орталығының зерттеулеріне сілтеме жасайды.
Желтоқсан айында Ухань қаласында пневмонияның өршуі тіркелді. Кейінірек аурудың себебі коронавирустың бұрын белгісіз түрі болғаны анықталды.
Қытай билігінің ресми мәліметтері бойынша, әзірге вирустың адамнан адамға берілу жағдайлары тіркелген жоқ. Бұған дейін хабарланғандай, алғашқы ауырған адамдар ауруды Ухань қаласындағы базардағы теңіз өнімдерінен жұқтырған.
Сонымен қатар, Таиланд пен Жапонияда ауру жағдайлары тіркелген.
"Би-би-си" сөзі келтірілген профессор Нил Фергюсон, коронавирустың ҚХР-дан тыс "экспортының" үш оқиғасы шын мәнінде мұндай жағдайлар әлдеқайда көп болуы мүмкін екенін айтады.