Әлем Лондон полициясы қашып кеткен горилланы бір жарым сағат қуалаған
Лондон хайуанаттар бағынан қашып кеткен горилланы ұстауға құқыққорғау органдары бір жарым сағатын сарп еткен
Үлкен маймылды транквилизатормен жансыздандырып, темір торға қайтарған.
Жануар бейсенбі күні баққа келушілердің арасында дүрбелең орнатып қашып кеткен. Қашқан маймылдың есімі Кимбука – Лондон хайуанаттар бағында тұратын гориллалар жанұясының басшысы. Куәгерлердің айтуынша қашқанға дейін маймыл өзін дөрекі ұстап, торлы орынның шынысына секіре бастаған.
Маймыл бостандыққа шыққан соң саябақта дабыл орнады. Келушілердің қауіпсіздігі үшін оларды көбелектер павильоны мен аквариум мекемесіне жинаған.
Осы аралықта оқиға орнына Скотланд-Ярд қызметкерлері жеткен. 1,5 сағаттан кейін жануар ұйықтататын дәрі қосылған кішкене найзаның көмегімен ұсталған.
