Әлем Жәнібек Әлімханұлының екінші сынамасынан да допинг шықты
"В" сынамасынан да тыйым салынған заттар табылғанын боксшының менеджері Берік Сұлтан растады
Бұған дейін ҚР Кәсіпқой бокс федерациясының директоры Әлімханұлына қатысты допинг дауы бойынша істі тәуелсіз сарапшылар да, ҚР Туризм және спорт министрлігінің өкілдері де қарап жатқанын айтқан, деп хабарлайды Устинка LIVE тілшісі.
Қазақстан Кәсіпқой бокс федерациясы допингке қарсы халықаралық заң мен спорт заңнамасы аясында қазақстандық боксшының мүддесін қорғауды жалғастыруда. Құжаттарды зерттеп, орын алған жағдайдың мән-жайын анықтауда.
Өкінішке қарай, "В" сынамасынан да оң нәтиже көрсетті. Бірақ бұл Жәнібекті допинг қабылдады деген көз емес, - деді боксшының менеджері Берік Сұлтан өзінің желідегі парақшасында. – Жәнібек - кәсіби спортшы, 7 жылдан бері жұмыс жасап келеміз, екі рет Әлем чемпионы атағын алған командамыз. Біз ар алдында тазамыз. Ендігі мәселе – бұл тыйым салынған заттардың Жәнібектің ағзасына қалай түскенін анықтау.