Әлем Париж бен Миланда қазақ әжелері сән көрсетеді
Еуропаның ең беделді сән сахналарының бірінде "Әлемді таңғалдырған әжелер" атты ерекше мәдени жоба көрсетіледі
Жобаға 60 пен 74 жас аралығындағы аналар қатысады, деп хабарлайды Устинка LIVE тілшісі ҚР Мәдениет және ақпарат министрлігіне сілтеме жасап.
Олар еліміздің әртүрлі өңірлерінен кастинг арқылы іріктелген. Еуропаның сән сахнасын бағындыруға 20 қатысушы аттанады. Көрсетілімдерде олар ұлттық нақыштағы "Ақ маржан" топтамасын ұсынбақ, - делінген министрлік ақпаратында. - Жобаның авторы Раушан Әнуарбекова - танымал сәнгер, Еуразия Дизайнерлер Одағының мүшесі, Ұлттық дизайнерлер академиясының академигі. Ол қазақтың ұлттық дәстүрінен шабыттанған заманауи топтамаларымен танымал және бұған дейін өз жұмыстарын Milan Fashion Week, Paris Fashion Week, Aspara Fashion Week сахналарында көрсеткен.
"Әлемді таңқалдырған қазақ әжелері" жобасы Еуропа сән апталығына төртінші мәрте қатыспақ. Биылғы шара Халықаралық қарттар күніне және Қазақстанда дәстүрлі түрде аталып өтетін Қарттар айына арналады.
