Әлем "Астана LRT" бұрынғы басшысы 5 жылдан кейін шет елде қолға түсті
Қомақты қаржы жымқырғаны үшін сырттай сотталған Талғат Арданды Түркияның құқық қорғау органдары Анталья қаласында ұстады
Бұл туралы ҚР Ұлттық қауіпсіздік қызметінің баспасөз қызметі мәлімдеді, деп хабарлайды Устинка LIVE тілшісі.
Естеріңізге сала кетейік, бұған дейін Астана қаласының соты Т.Арданды Қылмыстық кодекстің 189-бабы 4-бөлігі және 361-бабы 4-бөлігі бойынша кінәлі деп танып, сырттай 9 жылға бас бостандығынан айыруға сотталған.
2019 жылғы қыркүйекте Қазақстан Республикасының Бас прокуратурасы Түркияның Әділет министрлігіне халықаралық іздеуде жүрген "Астана LRT" ЖШС-ның бұрынғы басшысы, Қазақстан азаматы Талғат Арданды ұстап беру туралы сұрау жіберген болатын, - деп мәлімдеді ҚР ҰҚҚ баспасөз қызметі. - Осыған байланысты Түркия Республикасының құзырлы органдары тиісті іздестіру шараларын жүргізген.
Биыл ҰҚК оның нақты болған жерін анықтады, содан кейін Түркияның құқық қорғау органдары Анталья қаласында ұстады.
9 мамырда Анталья қаласының соты Талғат Арданды Қазақстанға депортациялау туралы шешім қабылдады және ол қазіргі уақытта қамауда.