Әлем Қазақстан ең ластанған елдер тізімінде 40-орында
Елдегі ең таза қала – Шу, ең лас қала – Қарағанды
2023 жылға арналған IQAir рейтингі бойынша PM2,5 бөлшектерімен ауасы ең ластанған елдер арасында Қазақстан 134 елдің ішінде 40-шы орында, деп хабарлайды Устинка LIVE тілшісі.
Мамандардың айтуынша, Шу елдегі ең таза қала, ал Қарағанды ең лас қала болып саналады.
Қазақстанда PM2.5 орташа жылдық концентрациясы текше метрге 22,2 микрограммды құрайды.
Бұл көрсеткіш ДДҰ ұсынған жылдық орташа ауа сапасынан бірден 4,4 есе жоғары.
Сауалнамаға қатысқан әлемдегі ең ластанған елдер Бангладеш, Пәкістан және Үндістан болса, ең тазасы Францияның Полинезия, Маврикий және Исландия. ТМД елдерінің ішінде Қырғызстан, Өзбекстан және Арменияның ауасы Қазақстанға қарағанда лас, ал Әзірбайжан, Молдова, Ресей және Украинада тазарақ.
