Әлем ҚР Президенті Сербия еліне көңіл айтты
1 қарашада Сербия Республикасы қалаларының бірінде вокзалдың бетон шатыры опырылып, 14 адам қаза тапты, бірнеше адам жарақат алған
Осы қайғылы оқиғаға байланысты Қасым-Жомарт Тоқаев Сербия Президенті Александр Вучичке көңіл айту жеделхатын жолдады, деп хабарлайды Устинка LIVE тілшісі.
Мемлекет басшысы Нови-Сад қаласындағы теміржол вокзалында болған қайғылы оқиға салдарынан көптеген адамның қаза табуына байланысты Сербия Президенті Александр Вучичке көңіл айтты.
Осындай ауыр сәтте достас Сербия халқының қайғы-қасіретіне ортақтасып, барша қазақстандықтардың және жеке өз атымнан Сізге, жақындарынан айырылған отбасыларға қайғыра көңіл айтамын. Оқыс оқиғада бақилық болғандардың туыстарына сабыр, ал зардап шеккен жандардың тез арада сауығып кетуін тілеймін, – деп жазылған жеделхатта.
