Спорт Юлия Галышева чемпион атанды
АҚШ-тың Парк-Сити қаласында әлем чемпионаты аясында өткен фристайл мен сноубордтан әйелдер арасындағы жарыстар аяқталды
Шығысқазақстандық спортшы Юлия Галышева алтын медальға қол жеткізді, деп хабарлайды azattyq.org сайты.
Ол финалда 79,14 ұпай жинады. Күмісті австралиялық Энтони Джакара (78,99), қоланы 2018 жылғы қысқы олимпиада чемпионы франциялық Лаффон Перрин (78,70) иеленді.
Галышева - 2018 жылы Пхенчханда өткен қысқы олимпиадада қола медаль алған. 2011 және 2017 жылғы қысқы Азия ойындарының чемпионы. Ол әлем чемпионатында алғаш рет алтын иеленді.
Галышева - олимпиадада, әлем чемпионатында, Азия ойындарында, әлем кубогы кезеңдерінде, қысқы универсиадада медаль алған санаулы қазақстандық спортшылардың бірі.
Ерлер арасындағы жарыста Павел Колмаков 16-орынмен шектелді.
