Спорт Ольга Рыпакова Пекин-2008 олимпиадасының күміс жүлдегері деп танылды
2008 жылғы Пекин олимпиадасына қатысқан қазақстандық жеңіл атлет Ольга Рыпакова осы олимпиаданың күміс жүлдегері деп ресми түрде танылды
Рыпакова 2008 жылғы олимпиадада үш қарғып секіруден төртінші орын алған еді, деп хабарлайды Қазақпарат сайты.
Алайда кейін күміс және қола алған спортшылар - грекиялық Хрисопия Деветци мен ресейлік Татьяна Лебедеваның сынамасынан допинг табылып, олимпиада медальдерінен айырылған.
Халықаралық жеңіл атлетика федерациясы (IAAF) Ольга Рыпакованы 2008 жылғы Пекин олимпиадасының күміс жүлдегері деп таныды.
Ольга Рыпакова Азия ойындарының бірнеше мәрте жеңімпазы, әлем және Азия біріншіліктерінің жүлдегері, 2012 жылы Лондонда өткен олимпиаданың чемпионы, 2016 жылы Рио-де-Жанейрода өткен олимпиаданың қола жүлдегері.
