Спорт 12 ақпан күнгі қазақстандық атлеттердің ойын қорытындысы
Қазақстандық атлеттер Оңтүстік Кореяның Пхенчхан қаласында өтіп жатқан Олимпиада ойындарының алтыншы күнінде өз жанкүйерлерін қуанта алмады
Биатлоншы Галина Вишневская Олимпиада ойындарын 20-шы орынмен аяқтады. Ол із кесу мен масс-стартты жақсы меңгергенін көрсете білді. Барлық оқ ату шебінде мінсіз өнер көрсетті. Тура осы сында сайысқа түскен екінші отандасымыз Дарья Климина 57-ші орынға жайғасты.
Сонымен қатар биатлоннан сынға түскен Роман Еремин жарысты 52-ші орынмен аяқтады.
Фристайлдан ерлер арасында сынға түскен Дмитрий Рейхерд финалдық екінші кезеңде қателіктерге бой алдырып, 58.64 ұпаймен 8-ші орынға табан тіреді. Сондай-ақ, жарыстың осы түрінен жарыс жолына шыққан тағы бір спортшымыз Павел Колмаков 76.10 ұпаймен 7-ші орынға ие болды. Осылайша қос спортшымыз үздіктер қатарынан көріне алмады.
Сондай-ақ, коньки спортынан әйелдер арасында 1500 метрге жүгірген Екатерина Айдова аталған қашықтықты 18-ші орынмен аяқтады.