Спорт Юлия Галышева Олимпиада ойындарында қола жүлдеге ие болды
Шығысқазақстандық фристайл спортшысы Пхенчханда өтіп жатқан Қысқы Олимпиада ойындарында қола медаль иеленіп, Қазақстан құрамасы қоржынына алғашқы жүлдені салды
"ШҚО қысқы спорт түрлері бойынша жоғары спорт шеберлігі мектебінің" спортшысы Юлия Галышева Оңтүстік Кореяда өтіп жатқан төртжылдықтың басты бәсекесінде жүлдегерлер қатарынан көрінді.
Әлемнің кіл мықты спортшылары бас қосқан додада 77,40 ұпай еншілеп, шығысқазақстандық спортшы Пхенчхандағы Қысқы Олимпиада ойындарының қола медаліне қол созды. Ол тек, 78,65 ұпай көрсеткен франциялық Перрин Лаффонға және 78,56 ұпай жинаған тәжірибелі канадалық Жустин Дюфур-Ляпуент сынды спортшыларды ғана алға жіберді.
Айта кету керек, Оңтүстік Кореядағы Қысқы Олимпиада ойындарында ел намысын ҚР құрамасы сапында 12 шығысқазақстандық спортшы қорғауда. Олар спорттың төрт түрі бойынша сынға түсуде.