Қазақстандық биатлоншы Галина Вишневская алтын медаль иеленді

Алғашқы айналымды жоғары жылдамдықпен басып өтіп, атудан бір қателік жіберген спортшы 6-шы орыннан көрінген. Бірақ жылдамдығының арқасында алдыңғы орынға суырылып шығып, екінші айналымда атудан қателік жібермеді.

–  Өткенде таяғым сынып, винтовканың ұңғысына қар толып қалғандықтан уақыт жоғалтып алған едім. Бүгін ауа-райы қолайлы болды, – деді Универсиада ойындарының алтын медаль жүлдегері Галина Вишневская

Сондай-ақ, Қазақстан құрамасынан қатысқан Дарья Усанова мен Анна Кистанова 7-ші және 8-ші орындардан, ал Анна Райкова 12-ші орыннан көрінді. Галинадан кейінгі 1-ші және 2-ші орындар украиналық пен ресейлік биатлоншылар еншісінде.

 Айта кетсек, Галина Вишневская осыған дейін 15 км қашықтыққа жүгіруден күміс медальға қол жеткізген болатын.