Ұлан ауданы әкімінің жүлдесіне арналған ХХ халықтық спорттық ойындар өтті

Жалпы жарыс – қазақ күресі, қол күрес, гір көтеру және 5, 10, 15, 25 км қашықтықтағы бәйге сынды түрлерден болды. Жарысқа аудандағы 16 ауылдық округтің командалары қатысты. Бұл ойын өзара іріктеу болып саналады. Осыдан кейін, жоғары нәтиже көрсеткен спортшылар ШҚО әкімінің жүлдесіне арналған халықтық спорттық ойындар жарысына жолдама алады. Аталған ойын – бұған дейінгі өткен барлық жарыстарды қамтымақ. Ал олардың қатарында, дене-шынықтыру бойынша жаппай командалық жарыстар және волейбол мен футбол сынды топтық ойын түрлері бар.

Ұлан ауданының Ішкі саясат, мәдениет және тілдерді дамыту бөлімінің басшысы Болатбек Мамырбаев:

- Қазақтың ұлттық ойындарын дәріптеу, дамыту қазіргі таңда кезек күттірмейтін мәселелердің бірі болып табылады. Етек-жеңімізді жиған Тәуелсіздіктің 25 жылдығы барысында бұл мәселеге өте көп көңіл бөлінді.